Atlantis-krieketklub het Vrydag 28 April by Robinvale-sportveld sy spelers vereer vir hul goeie spel die afgelope seisoen.
Die eerste span het die eendag- en T20 semi-finale gehaal, terwyl die vrouespan na die Premier Liga sal opskuif ná dié span die Westelike Provinsie Promosieliga gewen het. Wyle Rochelle Apollis is ook by die Baggy Blues-bekeruitdeling vereer vir haar rol in die Baggy Ladies se sukses.
Die volgende spelers het erkenning gekry:
- Sportman van die jaar – Reagan Adonis
- Speler van die jaar asook beste eendagspeler – Justin Rooibaadtjie
- Eerstespankolwer van die jaar en die spelers se speler van die jaar – Shane Summers
- Eerstespanbouler van die jaar – Ashley Goliath
- Eerstespan-T20-speler van die jaar – Jevon Cloete
- Tweedespankolwer van die jaar – Jason Margerman
- Tweedespanbouler van die jaar – Aziz Adams
- Derdespankolwer van die jaar asook opkomende speler – Carlo Solomons
- Derdespanbouler van die jaar – Willie Pienaar
- Beste jongspeler van die jaar – Thayden Slavers
- Vroueveldwerkspeler van die jaar – Tamia Mulligan
- Vrouebouler van die jaar – Janice Aexander
- Vrouekolwer van die jaar – Liezel Philander
- Vrouespeler van die jaar – Amelia Williams
