In 2017 het 89 graad 7 leerders hul laerskoolloopbane by Grosvenor Primêr begin, waarvan 77 laerskool voltooi en hul sekondêre onderrig in 2018 aan verskeie hoërskole oral in Atlantis voortgesit het.
Van hierdie leerders het Saxonsea gekies, en dit is hier waar hulle ontwikkel en gegroei het om saam met ander studente van die toppresteerders by Saxonsea te word.
Gedurende die vyf jaar van sekondêre onderwys het een van die gemiddelde leerders gevorder om Saxonsea se topleerder te word – ’n merkwaardige prestasie. “ ’n Seun wat in 2017 gemiddeld onder die top tien-presteerders van die skool was, het in vyf jaar ontwikkel as een van Saxonsea se top-leerders,” sê Terence Adams, die hoof van Grosvenor.
Ná die voltooiing van die laaste Afrikaans- vraestel III Vrydag (2 Desember) het Grosvenor Primêr alle 2017-graad 7-leerders, wat nou gematrikuleer het, na ’n afskeidsete genooi. Adams het aan Weskus Nuus gesê baie van die matrikulante se deurlopende prestasies by Saxonsea en Robinvale het hom en sy kollegas by die skool verras.
Adams stap sedert 2021 ’n pad saam met alle matrikulante by Grosvenor nadat hy in 2016 as skoolhoof aangestel is. Hy het alle matrikulante by die afskeidsdinee sukses in hul toekomstige loopbane toegewens.
