Met Suid-Afrikaanse en Wes-Kaapse stortingsterreine wat teen ’n spoed uit ruimte hardloop en met meeste materiale wat honderde of selfs duisende jare kan neem om af te breek, moet ons almal ons afval sorteer en herwin sover as moontlik.
Die goeie nuus is dat baie munisipaliteite in Suid-Afrika reeds sorteer-by-oorsprong en herwinningsprogramme geïmplementeer het.
Dit sluit Saldanhabaai-munisipaliteit in. Hy het onlangs sy program van Langebaan tot die hele munisipale jurisdiksie uitgebrei. Dit beteken dat dit nou moontlik behoort te wees vir meeste lesers aan die Weskus om meeste of van hulle huishoudelike afval te kan herwin.
Gewonder hoe om te werk te gaan om te herwin? Hier is ’n paar wenke:. Vind uit wat is herwinbaar en wat is nie: Die munisipaliteit of diensverskaffer behoort jou in te lig oor wat in die onderskeie sakke/dromme behoort te gaan. Terwyl meeste dinge potensieel herwinbaar is, het Suid-Afrika nie tans oplossings vir alle afvalmateriaal nie.. Moenie herwinbare materiaal besoedel nie: Maak seker jy sorteer soos benodig. Dis veral belangrik om nie herwinbare materiaal te besoedel nie, soos om papier met nat afval te besoedel nie. Terwyl dit nie nodig is om alles te was nie, maak seker dat jy soveel as moontlik organiese en kosafval verwyder – soos jogurt in plastiekhouers.. Wees op die uitkyk vir nuwe inligting van die munisipaliteit of diensverskaffer: Die herwinnings-sektor is konstant besig om te verander en meer en meer materiaal kan herwinbaar raak. In gebiede waar herwinning nog nie geïmplementeer is nie, vind uit waar om in jou gebied te herwin, en maak seker jy bly dan by die riglyne. Hoe meer huishoudings en sakeondernemings deelneem, hoe laer is die impak op die omgewing en hoe meer lewensvatbaar sal herwinningsinisiatiewe raak.
Dit mag selfs moontlik wees om betaal te word vir herwinning. Byvoorbeeld, Zingari-afvalherwinning, ’n terugkoop-sentrum in Atlantis, betaal vir herwinbare materiaal wat by hulle afgelaai word in Charles Duminy-singel. Hulle vat meeste algemene herwinbare materiaal, soos glas, papier, plastiek en metaal.
Probeer dit! Deur te herwin spaar ons nie net die stortingsterreine nie, maar hou ons ook ons omgewing skoon. Ons sit ook materiaal terug in die ekonomie. Dit beteken dat, in plaas van dat ons nuwe materiaal uit die grond neem, hou ons herwinnings-gewoontes daardie hulpbronne in die grond vir langer – vir ons kinders se kinders.
