Om jou eie groente te kweek, is ’n impakvolle en prettige manier om jou koolstofvoetspoor te verminder.
Deur ’n groentetuin help jy om die groot hoeveelhede brandende fossielbrandstowwe, wat die omgewing vul as ’n direkte gevolg van die invoer van voedsel van kommersiële boere, te verminder. ’n Groentetuin is baie werk, maar wat belangriker is, is dit is baie pret en ’n wonderlike leerervaring.
Noudat die lentemaande verby is, sê niks “somer” soos ’n florerende tuin nie.
Indien jou groentetuin nou aan die gang kom, kan jy somergewasse kweek wat langer neem om ryp te word.
Die meeste groente het soveel son as moontlik nodig, en om gesonde gewasse te kweek, is dit noodsaaklik om die beddings ongeveer twee weke voor planttyd deeglik voor te berei. Spit beddings om met baie kompos en ’n ruim porsie beenmeel, plus gebalanseerde organiese bemesting.
Probeer om dit vroeg in die oggend te doen, en maak daarna deeglik nat.
Wanneer die beddings voorberei en gereed is, plant die saad.
Hier is ’n paar van die beste groente om in die warm somermaande te plant:. Groenbone moet sekerlik die maklikste groente wees om met opeenvolgende saailinge tot ongeveer einde Desember of Januarie te kweek. Om plek in die tuin te spaar, kweek boontjies vertikaal met behulp van toue, stokke of rame om plek vir ander groentes te hou.. Wortels is perfek om in die somer te kweek – bloot omdat hulle so vinnig groei. Onthou, slakke is lief vir wortels, so maak seker jy plant hulle in potte hoog bo die grond. Wortels benodig diep natmaak; maak seker die grond is tot ’n diepte van ongeveer 30 cm nat aangesien vlak water nie goeie resultate sal lewer nie.. Komkommers groei vinnig en is warmseisoengewasse. Komkommers hou van goeie lugsirkulasie vir hul blare en benodig goed voorbereide beddings. Lei die plante gereeld nat aangesien ’n gebrek aan vog die blare kan laat verlep.. Soetrissies en brandrissies hou van volson en sal vinnig groei; berei dus die beddings goed voor. Lei gereeld nat en voer af en toe met ’n kunsmis wat stikstof afgee.. Pampoen en skorsie en alle variëteite van hierdie styselagtige groente groei vinnig in volle son en kan vir ’n lang tydperk geoes word.. Beet kan relatief vinnig ’n oes lewer, is baie maklik om te kweek en is baie lonend. ‘Crimson Globe’ is die beste variëteit vir jou tuin aangesien die blare ook as spinasie geëet kan word.. Broccoli groei vinnig en kan reeds sowat 60 dae nadat dit gesaai is, geoes word. Eet ook die sylote nadat jy die hoofkop gekies het. Die blare – veral die jong blaartjies – kan soos spinasie geëet word.. Patat is ’n ideale groente vir die warm streek en sal binne 3-5 maande groei.
Deel graag foto’s van jou tuin met die Atlantis- spesiale ekonomiese sone (Asez) by hello@atlantissez.co.za.
Verwysings:
