Die Destiny Riders-motorfietsklub van Atlantis in samewerking met George Steyn, het die Feeding Atlantis-projek van stapel gestuur.
Hulle het Saterdag 3 November saam met GC Tunning, Wreckers-motorfietsklub en verskeie ander borge gewerk om die kinders in uitbreiding 12 in Atlantis met vetkoeke en lekkernypakkies te bederf.
Volgens Steyn was die dryfveer agter die uitreik om die minderbevoorregte mense se nood voor die feesseisoen te verlig.
Hy sê die plan is om elke drie maande na hulle uit te reik en veral op die kinders te fokus. Hy het ook die helde bedank wat agter die skerms gehelp het.
Die volgende uitreik is in Januarie in Uitbreiding 13.
